I. DEPUTACIÓN PROVINCIAL DE OURENSE
DEPUTACIÓN PROVINCIAL DE OURENSE
Convocatoria dunha edición do Curso de aplicación de sistemas de xestión da diversidade nas administracións públicas (AF-83-2026)
Convocatoria dunha edición do Curso de aplicación de sistemas de xestión da diversidade nas administracións públicas (AF-83-2026)
Publícase que, por Resolución da Presidencia do 15/09/2026 e núm. 2026/13444, se acordou o seguinte:
“A Deputación Provincial de Ourense deseña anualmente o seu Programa de formación continua de carácter agrupado, destinado a realizar de diversas accións formativas dirixidas ao persoal da Administración local da provincia.
No plan correspondente ao ano 2026 preveuse, entre outras accións, a realización dunha edición do Curso de aplicación de sistemas de xestión da diversidade nas administracións públicas. A competencia para a convocatoria da dita acción correspóndelle á Presidencia, de conformidade co artigo 34.1 da Lei de bases de réxime local, e o seu exercicio atópase delegado na vicepresidenta primeira e deputada delegada de Recursos Humanos por Resolución do 3 de agosto de 2023 (BOP do 11 de agosto de 2023).
Polo exposto, dispoño:
Primeiro. Aprobar as bases xerais da acción formativa que se relaciona a continuación, segundo a proposta formulada pola Sección de Formación da Deputación de Ourense que figura no expediente, e convocar o seguinte curso de formación continua:
Curso de aplicación de sistemas de xestión da diversidade nas administracións públicas (AF-83-2026)
Bases xerais:
Primeira. Solicitudes de participación.
1. O persoal que desexe participar neste curso de formación presentará cuberta, en todos os epígrafes que lle corresponda, a instancia segundo o modelo oficial de solicitude de inscrición publicada no anexo II.
2. Todas as instancias deberán contar co correspondente informe, sobre a asistencia ao curso, do/a xefe/a do servizo ou departamento ao que pertenza o/a solicitante, para os efectos, entre outros, de confirmar a súa condición de traballador/a público/a local, e ir acompañadas da documentación complementaria que se establece na convocatoria.
3. A falsidade ou ocultación de datos esenciais para a selección dos aspirantes dará lugar á exclusión automática do curso solicitado e á imposibilidade de participar en ningunha outra actividade convocada pola Deputación de Ourense durante o prazo dun ano contado a partir da data da infracción.
4. As solicitudes de participación deberán remitirse á Sección de Formación da Deputación Provincial, mediante a súa presentación electrónica no Rexistro Xeral de documentos da Deputación de Ourense, dispoñible na sede electrónica da Deputación (sede.depourense.gal), ou en calquera dos lugares previstos no artigo 16.4 da Lei 39/2015, do 1 de outubro.
5. Non se admitirán as solicitudes de inscrición que non teñan cubertas todas as súas epígrafes de maneira correcta e lexible, ou ben que non conten coas sinaturas e selo requiridos.
6. A presentación dunha solicitude supón a aceptación expresa das bases xerais e das normas específicas de participación e asistencia que rexen e regulan as diferentes actividades formativas da Deputación de Ourense.
Segunda. Acceso ás actividades.
1. Poderá participar nesta actividade o persoal da Administración local en activo ao que vai dirixido o curso como destinatario/a da acción formativa que cumpra os requisitos específicos esixidos na convocatoria.
2. Daráselles preferencia para accederen ao curso aos/ás traballadores/as das entidades locais adheridas ao Programa de formación continua da Deputación de Ourense do ano 2026. Así mesmo, de xeito complementario poderá acceder ao curso, nas prazas vacantes, o persoal ao servizo da Administración estatal e autonómica.
3. No acceso ás actividades formativas e en cumprimento do establecido nos artigos 48 da LEPG e 59 do TRLEBEP, reservarase o 7 % das prazas para persoas con diversidade funcional.
Terceira. Selección das persoas participantes.
1. Os criterios que se aplicarán para a selección dos/das participantes son:
* A relación existente entre as funcións ou tarefas que realiza o/a solicitante no seu posto de traballo e a materia ou contidos obxecto do curso.
* A clase de persoal á que pertenza o/a solicitante, así como o seu grupo/categoría profesional, daráselle preferencia ao persoal fixo sobre o contratado.
* A data de ingreso do/da traballador/a na Administración pública; no acceso ao curso daráselle preferencia ao persoal de maior antigüidade.
2. Cando dende un mesmo departamento ou servizo se remitan varias solicitudes, e sexa preciso realizar unha selección dos/das participantes, unha vez rematado o prazo de presentación de solicitudes os responsables do persoal de cada departamento ou servizo deberán de informar por escrito, cando así se lles requira, sobre a priorización da admisión dos/das solicitantes.
3. A lista de persoas seleccionadas será aprobada por resolución da Presidencia e exposta oficialmente na sede electrónica da Deputación de Ourense, unha vez rematado o prazo de presentación de solicitudes; ao mesmo tempo, os/as peticionarios/as poderán obter información sobre a súa admisión chamando ao teléfono: 988 317 580.
4. Dende a Deputación Provincial poderá comunicárselles telefonicamente ás persoas seleccionadas a súa admisión, co fin de obter a confirmación sobre a súa participación na acción formativa. A renuncia dos/das participantes admitidos/as que non poidan efectuar o curso por diferentes motivos deberá formalizarse sempre por escrito.
5. Os/as solicitantes admitidos/as que non comuniquen oficialmente que non van a asistir como mínimo cun día de antelación ao inicio do curso, sen causa excepcional que o xustifique, ou que abandonen a actividade formativa sen xustificación, quedarán excluídos/as de participar en calquera outra actividade de formación durante o prazo dun ano dende esa data.
Cuarta. Diplomas de aproveitamento.
1. Outorgaráselle o correspondente diploma ao alumnado que participe con regularidade e bo aproveitamento no desenvolvemento do curso e que supere satisfactoriamente os diferentes módulos e as probas de avaliación do curso.
2. É obrigatoria a realización nos prazos establecidos de todos os módulos e probas que integran o curso, así como a participación nas sesións de formación telepresencial. A non realización dalgún módulo do curso, das preceptivas probas de avaliación ou a non asistencia a un 15% das sesións de formación telepresencial impedirá a obtención do diploma de aproveitamento correspondente.
Quinta. Modificacións.
A Deputación de Ourense poderá variar, se fose preciso e a favor da eficacia da acción formativa, as características e mais os contidos do curso para adaptalos ás necesidades da Administración ou ás distintas continxencias que poidan xurdir, buscando sempre as condicións óptimas para a realización da acción formativa.
Anexo I
Curso de aplicación de sistemas de xestión da diversidade nas administracións públicas
1. Persoas destinatarias.
* Persoal ao servizo da Administración Local con postos de traballo que impliquen unha ampla relación e comunicación coa cidadanía ou con outras entidades ou institucións.
* Persoal técnico e administrativo, con funcións de información e de atención ao público nas corporacións locais.
2. Desenvolvemento.
2.1. Modalidade da acción formativa: mixta (en liña e telepresencial).
2.2. Duración: 25 horas (19 horas en liña e 6 horas telepresenciais).
2.3. Datas de realización: do 1 de outubro ao 27 de outubro de 2026.
2.4. Datas das sesións telepresenciais: días 1, 21, 27 de outubro de 2026.
2.5. Horario das sesións telepresenciais: de 17.00 a 19.00 horas.
2.6. Lugares de realización: formación en liña no campus virtual de Green Tal e seminarios web na aula virtual con Weebex Meeting.
2.7. Prazas: 30 participantes.
2.8. Número de edicións: unha.
3. Obxectivos.
* Capacitar os/as empregados/as públicos/as locais para ofrecer un servizo inclusivo, accesible e adaptado ás necesidades da diversidade funcional e cultural, e promover a igualdade de trato, a cohesión social e o respecto pola pluralidade no marco da xestión pública local.
* Proporcionarlles aos/ás participantes unha visión integral e práctica para atender a cidadanía con equidade e sensibilidade para fortalecer a confianza nos servizos públicos locais.
4. Programa.
4.1.1. Marco conceptual e xurídico da igualdade de xénero e da perspectiva de xénero e integración da diversidade na Administración pública.
4.1.1. Conceptos fundamentais para a integración da perspectiva de xénero e da diversidade.
4.1.1.1. Sexo, xénero e construción social dos roles e estereotipos.
4.1.1.2. Igualdade formal, igualdade real e discriminación directa e indirecta.
4.1.1.3. Fendas de xénero, segregación horizontal e vertical e teito de cristal.
4.1.1.4. A perspectiva de xénero (gender mainstreaming) como principio de actuación pública.
4.1.2. Marco xurídico internacional e da Unión Europea.
4.1.2.1. Convención CEDAW, Plataforma de Acción de Pequín e Axenda 2030 (ODS 5).
4.1.2.2. Convenios da OIT, en especial o Convenio núm. 190 sobre violencia e acoso no traballo.
4.1.2.3. Tratados da Unión Europea e Carta dos Dereitos Fundamentais da UE.
4.1.2.4. Directivas relevantes: 2006/54/CE, 2019/1158, 2022/2381, 2023/970 e 2024/1385.
4.1.3. Marco constitucional e legal en España.
4.1.3.1. A Constitución Española: artigos 1.1, 9.2, 14, 23.2 e 35.
4.1.3.2. Lei orgánica 3/2007, para a igualdade efectiva de mulleres e homes.
4.1.3.3. Lei orgánica 1/2004, de protección integral contra a violencia de xénero.
4.1.3.4. Lei orgánica 10/2022, de garantía integral da liberdade sexual.
4.1.3.5. Lei 15/2022 e Lei 4/2023: igualdade de trato, non discriminación e dereitos LGTBI.
4.1.4. Réxime xurídico específico aplicable ao emprego público.
4.1.4.1. TREBEP: dereitos, conciliación, paridade e disposición adicional sétima.
4.1.4.2. RDL 6/2019, RD 901/2020 e RD 902/2020: plans de igualdade e igualdade retributiva.
4.1.4.3. RD 1026/2024: medidas planificadas para a igualdade LGTBI.
4.1.4.4. Normativas autonómica e local aplicables.
4.2. Ferramentas para a integración da perspectiva de xénero e a xestión da diversidade na actuación da nosa entidade.
4.2.1. A transversalidade de xénero como método de traballo.
4.2.1.1. Concepto e fundamento xurídico da transversalidade ou mainstreaming de xénero.
4.2.1.2. Diagnóstico de partida: estatísticas desagregadas por sexo e datos de calidade.
4.2.1.3. Deseño, execución e avaliación de políticas públicas con perspectiva de xénero.
4.2.1.4. Indicadores de xénero e sistemas de seguimento de resultados.
4.2.2. Perspectiva de xénero e integración da diversidade na elaboración normativa.
4.2.2.1. A memoria da análise do impacto normativo e ou informe de impacto de xénero.
4.2.2.2. Metodoloxía para a avaliación previa e posterior do impacto de xénero.
4.2.2.3. Linguaxe administrativa inclusiva e non sexista en documentos e formularios.
4.2.2.4. Casos prácticos de redacción e revisión de proxectos normativos.
4.2.3. Perspectiva de xénero e integración da diversidade na xestión económica, contractual e das subvencións.
4.2.3.1. Orzamentos con perspectiva de xénero.
4.2.3.2. Cláusulas sociais e de igualdade na contratación pública (Lei 9/2017).
4.2.3.3. Subvencións e axudas: cláusulas de igualdade e prohibicións do artigo 13.2 LXS.
4.2.3.4. Convenios, encomendas de xestión e colaboración pública-privada con criterios de igualdade.
4.2.4. Perspectiva de xénero e integración da diversidade na xestión de persoas e a cultura organizativa.
4.2.4.1. Procesos selectivos e composición paritaria dos órganos de selección (artigo 60 TREBEP).
4.2.4.2. Provisión de postos, carreira profesional e promoción interna en igualdade.
4.2.4.3. Igualdade retributiva: rexistro e auditoría retributiva non sector público.
4.2.4.4. Formación, comunicación interna e transformación da cultura organizativa.
4.3. A diversidade na organización pública: deseño, xestión e avaliación de políticas, proxectos e boas prácticas.
4.3.1. A diversidade na organización pública.
4.3.1.1. Diversidade interna: empregados/as públicos/as e contornas laborais inclusivas.
4.3.1.2. Adaptación dos servizos públicos para unha cidadanía diversa.
4.3.1.3. Accesibilidade, axustes razoables e eliminación de barreiras.
4.3.1.4. Protocolos de atención e prevención da discriminación institucional.
4.3.1.5. Rumbos na actuación administrativa e como evitalos.
4.3.2. Deseño, xestión e avaliación de políticas e proxectos.
4.3.2.1. Diagnóstico de necesidades e mapeamento de recursos.
4.3.2.2. Deseño de plans e proxectos de integración e convivencia.
4.3.2.3. Transversalidade (mainstreaming) da diversidade nas políticas.
4.3.2.4. Indicadores, seguimento e avaliación do impacto.
4.3.2.5. Sustentabilidade e participación non ciclo dos proxectos.
4.3.3. Boas prácticas e casos de éxito.
4.3.3.1. Experiencias de xestión da diversidade nas administracións locais.
4.3.3.2. Proxectos de intervención comunitaria intercultural.
4.3.3.3. Análise de casos e erros frecuentes.
4.3.3.4. Taller práctico: deseño dunha intervención.
5. Prazo de presentación de solicitudes.
O prazo de presentación das solicitudes para participar nesta acción formativa rematará o venres 25 de setembro do 2026.
Segundo. Ordenar a publicación no BOP e na sede electrónica da presente convocatoria, bases e anexos.”
Publícase isto, e infórmase ás persoas interesadas de que contra o dito acto poderán interpoñer un recurso de reposición, previo ao contencioso – administrativo, ante o mesmo órgano que o ditou no prazo dun mes, ou, alternativamente e de forma directa, un recurso contencioso – administrativo ante o Xulgado do Contencioso - Administrativo de Ourense (ou outro que resultase territorialmente competente en aplicación das regras establecidas no artigo 14 de la Lei reguladora da xurisdición contencioso – administrativa), no prazo de dous meses. En ningún caso poderán simultanearse ambos os recursos.
Os prazos computaranse de data a data a partir do día seguinte ao de recibir esta notificación, e vencerán no día equivalente do mes natural seguinte ou, de non existir este, no último día do dito mes. No caso de que o día de vencemento sexa inhábil, entenderase prorrogado o dito prazo ao primeiro día hábil seguinte.
Durante o mes de agosto non contará o prazo para interpoñer o recurso contencioso-administrativo, salvo para o procedemento para a protección dos dereitos fundamentais no que o mes de agosto terá carácter de hábil.
En todo caso, poderá interpoñer calquera outro recurso ou acción administrativa ou xudicial que estime procedente.
Ourense, 15 de setembro de 2026. A deputada delegada de Facenda, Economía e Recursos Humanos (Pd.: Resol. 2023/9863, do 31/07/2023).
Asdo.: Marta Nóvoa Iglesias.
(Ver solicitude páx. seguinte)
R. 2.222
