IV. ENTIDADES LOCAIS

CONCELLO DA ARNOIA

Aprobación definitiva da lista de aspirantes admitidos/as e excluídos/as no proceso selectivo dunha praza de funcionario/a, administrativo/a, con funcións informáticas, oferta de emprego de 2025, da Agrupación e Concellos A Arnoia-Beade

Resolución da Alcaldía do 5 de agosto de 2026.

Rodrigo Aparicio Santamaría, alcalde do Concello da Arnoia (Ourense), no día de hoxe, adoptou a seguinte resolución:

Unha vez rematado o prazo de presentación de solicitudes de participación no proceso selectivo dunha praza de funcionario/a, administrativo/a, con funcións informáticas, oferta de emprego de 2025, da Agrupación e Concellos A Arnoia-Beade, conforme coas bases aprobadas por Resolución da Alcaldía do 12 de xaneiro de 2026 e publicadas integramente no BOP núm. 43, do 5 de marzo de 2026; unha vez examinadas as solicitudes presentadas, esta alcaldía, no uso das facultades que ten atribuídas polo artigo 21 da Lei 7/1985, do 2 de abril, reguladora das bases de réxime local, resolvo:

Primeiro. Aprobar a listaxe provisional de aspirantes admitidos/as e excluídos/as no dito proceso selectivo.

Aspirantes provisionalmente admitidos/as:

Apelidos e nome; DNI; Celga

Rodríguez Martínez, Leila; 76***64*D; Si

Canellas Balaguer, Marta; 50***16*S; Si

Gómez Lorenzo, Miguel Ángel; 34***42*V; Si

Aspirantes provisionalmente excluídos/as:

Ninguén.

Segundo. Dado que non existen aspirantes excluídos, elévase a definitiva a lista de aspirantes admitidos/as.

Terceiro. Ditar a resolución de nomeamento do tribunal, a data, a hora e o lugar de constitución e de realización do primeiro exercicio que, de acordo coa base oitava e décima da convocatoria do proceso selectivo, será publicada na páxina web do Concello da Arnoia (sede electrónica).

Cuarto. Esta resolución publicarase no BOP, no taboleiro de edictos dos concellos da Arnoia e Beade e da sede electrónica.

Así o manda e asínao o alcalde, na Arnoia, na data de sinatura dixital, o que eu como secretario, certifico.

O alcalde. Rodrigo Aparicio Santamaría.

O secretario. Pablo Fernández Loureiro.

R. 1.934