IV. ENTIDADES LOCAIS

CONCELLO DE VIANA DO BOLO

Anuncio da aprobación da oferta de emprego público ordinaria correspondente ao exercicio 2026

Mediante o Decreto da Alcaldía, ditado na data da súa sinatura electrónica, aprobouse a oferta de emprego público ordinaria do Concello de Viana do Bolo correspondente ao exercicio 2026, conforme ao disposto nos artigos 69 e 70 do texto refundido da Lei do estatuto básico do empregado público, aprobado polo Real decreto lexislativo 5/2015, do 30 de outubro.

A oferta de emprego público comprende ás seguintes prazas:

Denominación da praza	Réxime	Nº de prazas	Grupo/Categoría	Sistema de acceso
Administrativo de Tesourería	Funcionario de carreira	1	C1. Administración Xeral. Subescala Administrativa	Quenda libre
Auxiliar Administrativo	Funcionario de carreira	1	C2. Administración Xeral. Subescala Auxiliar	Quenda libre
Oficial Condutor	Persoal laboral fixo	1	Oficial Condutor	Quenda libre
Peón de Limpeza Viaria	Persoal laboral fixo	1	Peón	Quenda libre
Limpadora de instalacións municipais	Persoal laboral fixo	1	Limpadora	Quenda libre

As prazas incluídas teñen natureza estrutural, figuran incorporadas ao cadro de persoal e á Relación de postos de traballo, dispoñen da correspondente dotación orzamentaria e responden ás necesidades permanentes da organización municipal, sen que a dita oferta supoña incremento do número de efectivos nin creación de novos postos de traballo.

Así mesmo, faise constar que a vacante correspondente á praza de policía local non se incorpora á devandita oferta de emprego público por manter a súa condición de praza declarada para extinguir, conforme á planificación dos recursos humanos da Corporación.

Contra o dito Decreto, que pon fin á vía administrativa, poderá interpoñerse, potestativamente, recurso de reposición ante a Alcaldía no prazo dun mes, contado desde o día seguinte ao da publicación do presente anuncio, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas; ou ben recurso contencioso-administrativo ante o Xulgado do Contencioso-Administrativo de Ourense no prazo de dous meses, contados desde o día seguinte ao da devandita publicación, de conformidade cos artigos 8, 14 e 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de que poida exercerse calquera outro recurso que se estime procedente.

Viana do Bolo, 3 de agosto de 2026. O alcalde.

Asdo.: Germán Aurelio García-Ávila Arias.

R.1.895