IV. ENTIDADES LOCAIS

CONCELLO DE RAIRIZ DE VEIGA

Convocatoria do proceso selectivo para a contratación laboral temporal dun/unha encargado/a dos servizos municipais mediante un contrato de substitución e constitución dunha bolsa de emprego para a cobertura temporal do posto

Por Resolución da Alcaldía do Concello de Rairiz de Veiga, do 27 de xullo de 2026, aprobáronse as bases reguladoras do proceso selectivo para a contratación laboral temporal dun/unha encargado/a dos servizos municipais mediante un contrato de substitución e constitución dunha bolsa de emprego para a cobertura temporal do posto.

O proceso selectivo desenvolverase mediante o sistema de concurso-oposición, de conformidade co establecido nas bases reguladoras.

As bases íntegras da convocatoria permanecerán publicadas durante todo o prazo de presentación de solicitudes na sede electrónica e no taboleiro de anuncios do Concello de Rairiz de Veiga.

O prazo de presentación de solicitudes será de cinco (5) días hábiles, contados desde o día seguinte ao da publicación do presente anuncio no Boletín Oficial da Provincia de Ourense.

As solicitudes deberán presentarse conforme ao modelo normalizado que figura como Anexo I das bases reguladoras, acompañadas da documentación esixida nelas.

As sucesivas publicacións relativas ao desenvolvemento do proceso selectivo realizaranse exclusivamente na sede electrónica e no taboleiro de anuncios do Concello de Rairiz de Veiga, producindo todos os efectos de notificación ás persoas interesadas, salvo aqueles actos que, de conformidade coa normativa vixente ou coas propias bases, deban ser obxecto de publicación no Boletín Oficial da Provincia.

Isto publícase para o coñecemento xeral.

Rairiz de Veiga, na data da sinatura electrónica. A alcaldesa.

Asdo.: Josefa Asunción Morgade Rúa.

R. 1.811