IV. ENTIDADES LOCAIS

CONCELLO DO CARBALLIÑO

Convocatoria e bases de selección específicas para a formación das brigadas de prevención e defensa contra incendios forestais.

Convocatoria para a contratación laboral que se indica a continuación, segundo as bases aprobadas por Resolución da Concellería Delegada de Persoal do 12.06.2026:

1. Número e denominación das prazas: 2 xefes/as de brigada, 2 peóns/peoas condutores/as e 4 peóns/peoas para a participación na prevención e defensa de incendios forestais.

2. Modalidade de contratación: temporal de duración determinada a xornada completa.

3. Duración do contrato: tres meses.

4. Sistema de selección: concurso-oposición.

5. Prazo e lugar de presentación de solicitudes: nos cinco días hábiles seguintes ao da publicación deste anuncio de convocatoria no BOP, no Rexistro Xeral do Concello do Carballiño, en horario de 9.00 a 14.00 horas. Tamén poderán presentarse na forma que determina o artigo 16.4 da Lei 39/2015, de procedemento administrativo común, neste caso, os concursantes deberán comunicalo mediante correo electrónico a emprego@carballino.gal durante o mesmo prazo que o da presentación de instancias.

6. Exposición das bases: o texto completo das bases de selección está publicado no taboleiro de anuncios da sede electrónica deste Concello: [http://carballino.sedelectronica.gal].

O Carballiño, 12 de xuño de 2026. O concelleiro.

Asdo.: Alberto Otero Carneiro.

R. 1.600