IV. ENTIDADES LOCAIS

CONCELLO DE PADRENDA

Aprobación da listaxe definitiva de admitidos/as e excluídos/as ao proceso selectivo dunha praza de persoal laboral arquitecto/a técnico/a municipal a media xornada; nomeamento do Tribunal e data para o exame de galego

A Alcaldía do Concello de Padrenda ditou a Resolución 2024-0314, o día 16/06/2026, co seguinte contido:

«Unha vez visto o estado do expediente nº 411/2025 instruído para realizar o proceso selectivo para cubrir unha praza de persoal laboral arquitecto/a técnico/a municipal a media xornada.

Unha vez vista a Resolución desta Alcaldía 2026-0239, do 17/05/2026, declarando os/as aspirantes como admitidos/as, admitidos/as con reparos e excluídos/as.

Unha vez visto que no Boletín Oficial da Provincia de Ourense número 100, do 29 de marzo de 2026, recóllese o edicto que inclúe a listaxe dos/as aspirantes determinados/as na Resolución anterior.

Logo de considerar que a base 6ª das xerais da convocatoria (publicadas no BOP núm. 10, do 16 de xaneiro de 2026) establece que os interesados poden presentar alegacións, reclamacións ou queixas, así como emendar documentación no prazo dos dez días seguintes á publicación practicada no BOP núm. 100, o que supón que poden presentarse alegacións desde o 1 e ata o 12 de xuño do corrente, debendo estas ser resoltas no prazo dos trinta días seguintes ao termo dese prazo e baixo a advertencia de que a non resolución en prazo equivale á desestimación da mesma.

Ao constar no expediente a certificación de non presentación de queixas, alegacións nin reclamacións en prazo nin, tampouco, fóra de prazo.

Unha vez visto que, de conformidade co acordado en Sentenza do Tribunal Constitucional 40/2002 así como na do Tribunal Supremo 23/1992, enténdese válida a actuación que realicen os interesados con anterioridade aos prazos marcados, como forma de aplicación do artigo 24.1 da Constitución española.

Ao constar, igualmente, a corrección de documentación achegada polos aspirantes seguintes:

1. Data: 29/05/2026 (antes de prazo pero admisible conforme xurisprudencia).

Rexistro: 2026-E-RE-168

Aspirante: Amo Maeso, Juan Carlos (36****0A)

Corrección: Achégase a seguinte documentación:

a) Documento de verificación do título de arquitecto número 2013196067,

b) Certificado de correspondencia do título de arquitecto co nivel 3 (Mestrado) do Marco Español de Cualificacións para a Educación Superior (MECES) e o nivel 7 do Marco Europeo de Cualificacións (EQF),

c) Contrato con “BRICK O’CLOCK, SL” co carácter de técnico organización 1ª desde 17/08/2015 e ata fin de obra,

d) Contrato con “BRICK O’CLOCK, SL” co carácter de técnico organización 1ª desde 15/08/2016 por conversión de traballo temporal en indefinido.

2. Data: 01/06/2026.

Rexistro: 2026-E-RE-171

Aspirante: Inaraja Bobo, Ignacio (34****5G)

Corrección: Achégase o certificado de correspondencia do título de arquitecto co nivel 3 (Mestrado) do Marco Español de Cualificacións para a Educación Superior (MECES) e o nivel 7 do Marco Europeo de Cualificacións (EQF).

3. Data: 15/06/2026 (fóra de prazo, pero admisible como aclaración á documentación achegada).

Rexistro: 2026-E-RE-182

Aspirante: Amo Maeso, Juan Carlos (36****0A)

Corrección: Achégase o informe da mercantil “AVINTIA SERVIZOS, SL” no que consta que a denominación anterior da mesma era “BRICK O’CLOCK, SL”.

Ao abeiro das facultades que me outorgan as bases xerais da convocatoria da praza e o artigo 21 da Lei 7/1985, do 2 de abril, reguladora das bases de réxime local, é polo que

RESOLVO

1º. Declarar as seguintes listaxes de admitidos/as e excluídos/as ao proceso selectivo con carácter definitivo:

Aspirantes admitidos/as

NIF	Nome	Galego
34*****5G	Inaraja Bobo, Ignacio	Debe superar a proba
36*****0A	Amo Maeso, Juan Carlos	Exento
34*****2F	Fernández Torres, Ramón	Exento

Aspirantes excluídos/as

Ningún/ningunha.

Igualmente, realízase a puntualización de que, aquelas copias simples de contratos que achegasen os/as aspirantes, ao estar en contradición co previsto na Base Oitava, apartado D\ “Fase de concurso”, será criterio do Tribunal determinar o alcance da súa validez.

2º. Determinar os integrantes do Tribunal cualificador:

Posto	Nome	Procedencia
Presidente	José Luis Feijoo Feijoo	Bande
Suplente presidenta	María Isabel Colmenero Veloso	San Cibrao das Viñas
Secretario	Santiago Carmen Rodríguez San Martín	Padrenda
Suplente secretaria	Noemí Sirera Diéguez	O Riós
Vogal 1º	Rodrigo Blanco Novoa	Gomesende
Suplente vogal 1º	Pablo Fernández Loureiro	A Arnoia
Vogal 2º	María Jesús Iglesias Grande	Padrenda
Suplente vogal 2º	Ana Sueiro Verdura	Tui
Vogal 3º	Carmen López Gómez	Punxín
Suplente vogal 3º	Daniel Carnoto Espiño	Quintela de Leirado

3º. Fixar como data para o exame de galego o martes, 20 de xullo de 2026, ás 09:30 horas, no Salón de Actos da Casa Consistorial de Padrenda.

Ao seu termo e cualificación definitiva, na mesma data e lugar, desenvolverase a proba tipo test prevista na Base 8ª, apartado C.2 das que rexen este procedemento. Preténdese o seu inicio non máis tarde das 10:30 horas do día 20 de xullo, aínda que, estando presentes todos os aspirantes, podería adiantarse esta realización.

A este acto, os/as aspirantes deben comparecer achegando o documento acreditativo da personalidade orixinal (DNI, carné de conducir, pasaporte, …).

4º. Remitir o edicto anunciador desta resolución para que se insira no Boletín Oficial da Provincia de Ourense, e se publique así mesmo no taboleiro de edictos e na sede electrónica.

5º. Informar do presente o Pleno municipal».

Isto publícase, de conformidade co disposto no artigo 20 do Regulamento xeral de ingreso do persoal ao servizo da Administración xeral do Estado e de provisión de postos de traballo e promoción profesional dos funcionarios civís da Administración xeral do Estado aprobado polo Real decreto 364/1995, do 10 de marzo.

Contra a presente resolución, que pon fin á vía administrativa, pode interpoñer alternativamente ou un recurso de reposición potestativo, no prazo dun mes, que contará desde o día seguinte ao da publicación do presente anuncio, ante a Alcaldía deste concello, de conformidade cos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou un recurso contencioso-administrativo, ante o Xulgado do Contencioso-Administrativo de Ourense ou, á súa elección, o que lle corresponda ao seu domicilio, se este radica na Comunidade Autónoma de Galicia, no prazo de dous meses, que contarán desde o día seguinte ao de recibir esta notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Se se optase por interpoñer o recurso de reposición potestativo non poderá interpoñer un recurso contencioso-administrativo ata que aquel sexa resolto expresamente ou se produza a súa desestimación por silencio. Todo iso sen prexuízo de que poida interpoñer Vde. calquera outro recurso que puidese estimar máis conveniente ao seu dereito. A interposición do recurso non paralizará o proceso selectivo.

Padrenda, 16 de xuño de 2026. O alcalde.

Asdo.: Manuel Pérez Pereira.

R. 1.434