IV. ENTIDADES LOCAIS

CONCELLO DE TRASMIRAS

Bases específicas para a selección e posterior contratación de dez traballadores/as para formar dúas brigadas de prevención e defensa contra incendios: dous/dúas xefes/as de brigada, dous/dúas peóns/peoas condutores/as e seis peóns/peoas de brigada

Por Decreto da Alcaldía do 5 de xuño de 2026, aprobáronse as bases específicas para a selección e posterior contratación de dez traballadores/as para formar dúas brigadas de prevención e defensa contra incendios, ao abeiro do convenio de colaboración subscrito entre a Consellería do Medio Rural e o Concello de Trasmiras para participar na prevención e defensa contra os incendios forestais mediante a actuación de brigadas de prevención e defensa.

- Denominación dos postos: dous/dúas xefes/as de brigada, dous/dúas peóns/peoas condutores/as e seis peóns/peoas de brigada.

- Duración do contrato: tres meses

- Modalidade de contratación: contrato laboral temporal a tempo completo. Código 406: administracións públicas. Plan de recuperación, transformación e resiliencia, e fondos Unión Europea. Tempo completo.

- Sistema de selección: concurso-oposición

- Prazo de presentación de solicitudes: cinco días hábiles seguintes ao da publicación do anuncio de convocatoria no BOP, no Rexistro Xeral do Concello en horario de 9:00 a 14:00 horas, de luns a venres.

Máis información nas bases específicas da convocatoria que poderán ser consultadas no Concello de Trasmiras en horario de oficina e na sede electrónica http//:trasmiras.sedelectronica.gal.

Trasmiras, na data da sinatura electrónica. O alcalde.

Asdo.: Emilio José Pazos Ojea.

R. 1.412